أسئلة بتفور الدم

مطمطرء بتختك ونايم ومطفي الضو ومتغطي بالبطانية
وتمك مفتوح متل مغارة جعيتا
بيجي واحد من أهلك بيفتح الباب ويقول :
شو نايم ؟؟

لأ !! عم ارقص .. بس الوضع بيوحي إني نايم.

· معزومين ع بيت جماعة
ولما بتدقوا الباب ...
بيفتح شي فهمان
وبيقول بدهشة : هه
شو إجيتوا ؟؟
لا والله لساتنا عالطريق ، في عجئة بشارع الملعب

· لابس أحلى أواعيك
ومتعطّر وشايل مفاتيح السيارة
وجزدانك وطالع
بيجي حدا من أهلك بيسألك
شو رايحلك شي مشوار ؟؟
لا والله طالع عالأسطوح عبي مازوت

· حامل سماعة التلفون
وعم تبلش تدق بالأرقام
بيجيك عنصر مفاجئة من أهلك
وعلى وشه علائم الإستغراب والدهشة
وبقللك : بدك تحكي بالتلفون ؟؟

لأ شو إحكي !!! بس كنت عم اترنم على صوت طنة الأرقام.

· حاطت راسك ونازل دحي بهالكتب والدراسة
بيجي أبوك أو امك :
عم تدرس ؟؟
لا والله ... !! عم لف سندويش

· مذيعة بيوم العيد
عم تلفلف بالشوارع
وتهجم على كم مواطن
وتسأل وبنفس الوقت هي بتجاوب:
شو بتساوي أول يوم العيد ؟
أكيد بتروح بتزور الأهل والقرايبين
والله بالعادة بفكر العب دء طميمة وما شوف حدا

· نفس المذيعة بتشوف ولد بالشارع وبتساله ؟
حبيبي بتحب بابا وماما
لا ما بحبهم ، بس بحب الفلافل والشاورما.

· واحد فايت على جماعة
وشايف الوضع بالشارع معتم
والمكتوب مبين من عنوانه ،
بعد ما يكون متفشكل مليون مرة ليوصل

أول ما بيفوت بيسأل شو مقطوعة الكهربا ؟
لأ حبيبي بس هيئتك لابس نظارة أبوك

· تطلع بالسرفيس وبتطلع ( عشرة ) وبتعطيها للي قدامك ،
وبكل برودة بيقلك : واحد ؟
لأ .... !!!!!!!!60 ..ورجعلي الباقي

· واحد بأشّر بأصبعته الكريمة لتكسي ،
وفعلاً وقفلو العينتين ،
وبيسألو فاضي؟ لأ.....عندي عشر طلبات ، بس وقفت حيونة

· بدك تنزل من السرفيس :
عاليمين زكاتك ...
بتتلقى الرد بعد 2 كم : نازل ؟؟
لا والله يا حبيبي بس عم جرب صوتي

عفوا الموضوع أنا ناشروا قبلك

يا ريت تحذفوا

إنت حاطو بمساهمة بدحوشة بعيدة ما عرفت
والموضوع نشرتو قبل ما عرفت هالشي
ومعد فيني أحذفوا لأنك طرأت مساهمة بعدي
والواحد لازم إذا بدو ينشر موضوع حلو بضحك "مانو نكتة" لأنو النكتة عادة بتكون قصيرة ،
يحطو بموضوع لحال مشان ننتبه
نعتذر ومنك السماح

ok
عادي تبصير بأحسن المنتديات
بس وين مدير منتدانا