شو رأيك بالمسلسلات السورية ؟؟؟

يا جماع ةفي كم شغلة حابب قولها بخصوص المسلسلات
أولا معكن حق المسلسلات ما بتعرض الوجه الحقيقي التام للمجتمع بس هاد الشي صعب كتير لأنو داخل المجتمع الواحد أو القرية أو حتى الضيعة في تنوع أو اختلاف وهالتنوع أحيانا بكون كبير لدرجة أنو صعب لمسلسل لازم يكون في حبكة وخيوط متشابكة يشمل هالتنوع الكبير كله .
تانيا لا تتخيل أبدا لعمل درامي أنو يكون هدفو الخسارة , الربح مضمون وإلا بلا العمل كلو , صح ؟
تالتا لاحظت أنو متل ما عم يحكي علي , صار عنا نوع من الاستهزاء بالنفس , ممكن نحتمل أو نتقبل كمثقفين أو دارسين بالمجتمع هالشي لو كان هو الأقلية أو الاستثناء بس بصراحة صارت المسخرة علينا من قبلنا مجال للتنافس والابداع و هالشي أبدا مو من صالحنا .
تعرفت على أشخاص من أمكان مختلفة بس متل عدم الانتماء اللي عم نعاني منو (كعرب ) لسا ما شفت . بتلاقي أنو دائما منعتبر حالنا لازم نكون ورا كل الحضارات التانية من الشرق للغرب . طيب مين غرس فينا هالثقافة وصار الأغلبية -أكيد مو الكل- بيتغنى فيها لاء وبيفتخر بعدم مبالاتو أو عدم انتمائو؟
الجواب أكيد نحنا ومو حدا تاني , و طبعا ما لازم نقول أنو الحق على التلفزيون و الإعلام تبعنا بشكل عام لأنو بالنهاية نحنا اللي عم نشكل هاد الإعلام أو ندعمو وإلا لما استمر , بس أكيد الإعلام بيلعب دور خطير بالموضوع .
هي السنة بالذات في حوالي110 عمل درامي عربي مخصص لرمضان شهر العبادة والطاعة أو هيك بقولو بالفواصل الإعلانية خلال كل مسلسل , شفتوا كيف ؟

سبحان الله